Ysgol Reolaeth Gogledd Cymru
Cwrs MPA Rheoli Prosiect 100% ar-lein

Dysgwch sut i lwyddo mewn rheoli prosiect yn y sector cyhoeddus. Astudio'r MPA Rheoli Prosiect 100% ar-lein o'r brifysgol sy'n canolbwyntio ar yrfa

Gwnewch gais erbyn: 24 Awst 2020
I ddechrau ar: 7 Medi 2020
  • 180 credyd
  • 2 flynedd yn rhan-amser
  • Cyfanswm ffioedd £6,000

Manteision allweddol

  1. MPA Rheoli Prosiect 100% Ar-lein o fewn 24 mis
  2. Astudio unrhyw bryd, yn unrhyw le, ar unrhyw ddyfais
  3. Ennill cyflog wrth ddysgu
  4. Ffioedd o £6,000, gydag opsiwn i dalu fesul modiwl
  5. Cefnogaeth academaidd lawn

Cyflymwch eich gyrfa yn y sector cyhoeddus gyda’r MPA (Meistr Gweinyddiaeth Gyhoeddus) Rheoli Prosiect 100% ar-lein o Ysgol Reolaeth Gogledd Cymru. Crëwyd yr MPA Rheoli Prosiect fel pont ddelfrydol ar gyfer gweithwyr proffesiynol blaengar ac ymrwymedig, arweinwyr tîm prosiect, rheolwyr prosiect a gweithredwyr yn y sector cyhoeddus sydd eisiau symud ymlaen i rolau lefel uwch, mwy strategol ac ysgogol.

Dysgu sut i lwyddo fel rheolwr prosiect sector cyhoeddus

Mae’r rhaglen yn datblygu’r wybodaeth a’r sgiliau allweddol sydd eu hangen ar reolwyr prosiect y sector cyhoeddus, gan gynnwys:

  • Rheoli prosiect a rhaglen mewn cyd-destun sector cyhoeddus
  • Rheoli a gwerthuso perfformiad
  • Sgiliau cyfathrebu
  • Polisi mewn cyd-destunau economaidd-gymdeithasol a gwleidyddol
  • Gweithredu strategol
  • Rheoli adnoddau dynol
  • Moesoldeb
  • Effeithiau amgylcheddol gweithgarwch sefydliadol

Astudio'r MPA Rheoli Prosiect o unrhyw le ar unrhyw bryd

Mae’r MPA Rheoli Prosiect hon yn cael ei hastudio’n gyfan gwbl ar-lein a gellir ei hastudio’n gwbl hyblyg, ar gyfrifiadur a dyfeisiau symudol, o unrhyw le yn y byd. Mae model dysgu ar-lein hyblyg y rhaglen yn sicrhau y gellir ei hastudio ar unrhyw adeg, sy’n golygu y gallwch ffitio astudio o amgylch eich ymrwymiadau gwaith a theulu ac osgoi seibiannau astudio costus.

Arbenigedd hirsefydlog mewn addysgu a dysgu hyblyg

Mae mwy na hanner y myfyrwyr ym Mhrifysgol Glyndŵr Wrecsam yn astudio’n rhan-amser ac o ganlyniad mae gennym ni yn Ysgol Reolaeth Gogledd Cymru gryn arbenigedd mewn addysgu a dysgu hyblyg. Mae’r MPA Rheoli Prosiect hon – wedi ei darparu’n gyfan gwbl ar-lein – yn eich galluogi i astudio ar eich cyflymder eich hun, ac ar eich telerau chi.

Gyda chwe dyddiad dechrau bob blwyddyn, a dyddiad dechrau bob 8 wythnos, gallwch ddechrau arni’n syth heb oedi. Mae yna opsiynau talu hyblyg, gan gynnwys talu dim ond £500 am bob modiwl 8 wythnos ac, i’r rhai sy’n gymwys, mae yna fenthyciadau ôl-raddedig y DU ac UE gan y llywodraeth i dalu cost lawn y rhaglen.

MPA Rheoli Prosiect sy'n hwyluso llwyddiant yn y sector cyhoeddus heddiw

Mae’r MPA Rheoli Prosiect hon yn cael ei harwain gyntaf oll gan ddiwydiant ac yn canolbwyntio ar yrfa, gan adlewyrchu diwylliant a gallu Ysgol Reolaeth Gogledd Cymru a Phrifysgol Glyndŵr Wrecsam yn ei chyfanrwydd. Mae ein cysylltiadau allweddol â chyflogwyr mawr wedi helpu i lunio Meistr Rheoli Prosiect Gweinyddiaeth Gyhoeddus sy’n targedu yn benodol canlyniadau gyrfa gwell ar draws ystod eang o rolau ar draws y sector cyhoeddus a’r trydydd sector. Yr agwedd hon sydd wedi sicrhau ein lle ymhlith y 10 prifysgol gorau yn y DU ar gyfer cyflogadwyedd myfyrwyr rhan-amser.

Admission requirements

  • Dylech fod wedi cwblhau neu ar fin cwblhau cwrs gradd israddedig mewn unrhyw bwnc gydag o leiaf gradd anrhydedd 2:2 (neu gymhwyster cyfwerth). Rydym hefyd yn derbyn gradd Meistr neu gyfwerth.
  • Dylech feddu ar o leiaf 2 flynedd o brofiad gwaith
  • Efallai y byddwn hefyd yn derbyn ymgeiswyr sydd ddim yn meddu ar y cymwysterau hyn yn seiliedig ar o leiaf dwy flynedd o brofiad gwaith.
  • Os gwnaethoch ennill eich gradd israddedig y tu allan i’r DU, dylech wirio bod eich gradd yn gyfwerth â gradd 2:2.
  • Os nad Saesneg yw eich iaith gyntaf, efallai y bydd rhaid i chi ddarparu tystiolaeth o’ch gallu iaith Saesneg. Rydym yn derbyn:
    • IELTS 6.5 mewn ysgrifennu a chwech ym mhob un o’r elfennau eraill
      • TOEFL isafswm cyffredinol o 83
      • PTE Academic isafswm cyffredinol o 58
      • Cambridge (CAE & CPE) cyfanswm cyffredinol o 176
    • Cymhwyster gradd cyfrwng Saesneg
    • Tystiolaeth eich bod yn gweithio i gwmni lle defnyddir Saesneg fel y brif iaith gwaith
    • Cymwysterau ysgol uwchradd mewn Saesneg

Ffioedd

Mae rhaglenni MPA ar-lein Ysgol Reolaeth Gogledd Cymru wedi’u cynllunio i fod yn fforddiadwy. Cyfrifir ffioedd dysgu yn seiliedig ar bob modiwl wyth wythnos. Gallwch gofrestru ar gyfer a thalu am bob sesiwn ddilynol wrth i’ch astudiaethau symud ymlaen. Derbynnir taliad trwy’r porth myfyrwyr ar-lein a rhaid i fyfyrwyr dalu erbyn y dyddiad talu.

Cyfanswm Ffioedd £6,000
Ffi am bob Modiwl 15 Credyd £500

Modiwlau

Dewiswch Ysgol Reolaeth Gogledd Cymru

  • Ymhlith y 10 prifysgol gorau yn y DU ar gyfer cyflogadwyedd o ran graddedigion yn y DU sy’n astudio graddau cyntaf rhan amser (Ffynhonnell: HESA PI E1b 2015/16)
  • Roedd 99.1% o’n graddedigion mewn cyflogaeth neu astudiaeth bellach o fewn 6 mis o gwblhau eu hastudiaethau (Ffynhonnell: HESA PI E1b 2015/16)
  • Rhaglenni wedi’u gwirio gan yr Asiantaeth Sicrhau Ansawdd ar gyfer Addysg Uwch (QAA), wedi’u harwain gan y diwydiant, sy’n ymgorffori gwybodaeth ddofn ac arbenigedd ein partneriaid sy’n gyflogwyr ac wedi’u teilwra i anghenion y farchnad swyddi modern
  • Cysylltiadau agos gyda chyflogwyr mawr lleol a rhanbarthol megis Toyota, Kellogg’s, Brother Industries a’r BBC
  • Arbenigwyr mewn dysgu hyblyg – mae dros hanner ein myfyrwyr yn astudio’n rhan amser
  • Tîm Llwyddiant Myfyrwyr Ymroddedig yn eich cefnogi bob cam o’r ffordd – o gofrestru’r holl ffordd at raddio
  • Prifysgol ryngwladol o sawl diwylliant
  • Rhaglenni sy’n addas ar gyfer ystod eang o gefndiroedd academaidd
  • Gostyngiad ffioedd o 10% i raddedigion o Brifysgol Glyndŵr Wrecsam