Mae ffordd well o lansio gyrfa lwyddiannus mewn busnes. Enillwch BBA hyblyg ar-lein o Ysgol Fusnes gyda boddhad myfyrwyr o 90%

Mae’r modiwl hwn yn eich cyflwyno i hanfodion busnes, gan gynnwys strwythur sefydliadol a natur arferion busnes modern. Mae hefyd yn datblygu dealltwriaeth eang o reoli drwy archwilio sgiliau a nodweddion rheolwyr ac arweinwyr effeithiol, yn ogystal â thechnegau i reoli timau’n llwyddiannus.

Mae’r modiwl hwn yn cyflwyno cysyniadau ac egwyddorion cyfoes cyfrifyddu a chyllid ac yn gwella eich galluoedd drwy gymhwyso technegau cyfrifyddu rheoli, cyfrifyddu ariannol a rheolaeth ariannol i bennu’r penderfyniadau ariannol gweithredol mwyaf priodol. Byddwch yn dadansoddi effeithiau’r penderfyniadau hynny ar berfformiad a sefyllfa ariannol cwmni.

Mae’r modiwl hwn yn archwilio pwysigrwydd cyfathrebu mewnol ac allanol integredig effeithiol wrth feithrin cydberthnasau cynaliadwy a sicrhau gwerth cwsmeriaid. Byddwch yn dysgu sut i gyfathrebu’n effeithiol mewn lleoliadau busnes ac academaidd, gan ddeall hanfodion sgiliau cyflwyno, cyfathrebu ysgrifenedig a chyfathrebu proffesiynol.

Mae’r modiwl hwn yn datblygu dealltwriaeth feirniadol ac ymarferol o gysyniadau ac egwyddorion dadansoddi a’r gallu i gymhwyso’r cysyniadau hyn i ddadansoddi data yn systematig o fewn y byd busnes cyfoes.

Mae’r modiwl hwn yn datblygu dealltwriaeth feirniadol ac ymarferol o gysyniadau ac egwyddorion busnes a masnach ryngwladol, yn ogystal ag effeithiau globaleiddio. Byddwch yn asesu ac yn cymhwyso heriau diwylliant busnes rhyngwladol yn feirniadol i senarios masnachol ymarferol ac yn gwerthuso damcaniaethau masnach ryngwladol o ran ei ganlyniadau masnachol.

Mae’r modiwl hwn yn datblygu dealltwriaeth feirniadol o reoli risg gorfforaethol a throseddu a’r gallu i gymhwyso’r cysyniadau hyn i fyd busnes. Archwilir categoriau’r risg a sut maent yn cael eu nodi, asesu a’u mesur, yn ogystal â thargedu, rheoli ac osgoi risg. Byddwch yn asesu’r categorïau allweddol o droseddau corfforaethol a’u hachosion a byddwch yn archwilio eu rheolaeth o ran canlyniadau masnachol.

Mae’r modiwl hwn yn datblygu dealltwriaeth feirniadol ac ymarferol o gysyniadau ac egwyddorion arweinyddiaeth hyblyg a’r gallu i gymhwyso’r cysyniadau hyn o fewn y byd busnes cyfoes, er mwyn creu’r amgylchedd cywir i dimau hyblyg lwyddo o fewn sefydliad.

Mae’r byd busnes wedi esblygu ac mae’n fwyfwy anodd i gwmnïau gael mantais gystadleuol. Mae’n hanfodol i gwmnïau ailedrych ar bedair agwedd sylfaenol ar eu busnes i ffynnu yn yr oes ddigidol — eu strategaeth, eu cadwyn werth, ymgysylltiad â chwsmeriaid, a’u strwythur sefydliadol. Mae’r modiwl hwn yn rhoi’r sgiliau i chi adeiladu mantais gystadleuol ddigidol mewn byd sy’n newid yn gyflym.

Mae’r modiwl hwn yn datblygu dealltwriaeth o Reoli Adnoddau Dynol a’r amgylcheddau busnes y mae’n gweithredu oddi mewn iddynt. Mae’n eich galluogi i nodi ac adolygu ffactorau mewnol ac allanol sy’n effeithio ar sefydliadau, ac asesu’r effaith y mae’r ffactorau hyn yn ei chael ar y swyddogaeth Adnoddau Dynol. Cewch eich annog i ofyn cwestiynau, cyfrannu syniadau, casglu data, gwerthuso tystiolaeth, a datrys problemau i ddarparu atebion Adnoddau Dynol ymarferol.

Mae’r modiwl hwn yn archwilio pwysigrwydd rôl marchnata wrth ysgogi llwyddiant a sicrhau canlyniadau. Byddwch yn dysgu am y gwahanol gymwysiadau marchnata yn yr 21ain ganrif a byddwch yn astudio sut y gall gwerthfawrogiad o ymddygiad defnyddwyr a’r amgylchedd marchnata alluogi targedu a chynllunio effeithiol. Erbyn diwedd y modiwl hwn byddwch wedi ennill ymwybyddiaeth o’r gwahanol offer sydd ar gael i’r marchnatwr modern, ac yn gallu cydnabod eu cryfderau a’u gwendidau. Bydd hyn yn eich galluogi i ddefnyddio’r offer hyn yn greadigol ac yn effeithiol mewn cyd-destun gweithredol, gan gynnwys sefydliadau yn y sector preifat a’r sector cyhoeddus.

Mae’r modiwl hwn yn eich darparu â dealltwriaeth o sut caiff syniadau eu datblygu, sut mae entrepreneuriaeth yn gweithio a gwerthfawrogiad o’r damcaniaethau arloesedd ac entrepreneuriaeth mewn cyd-destun busnes. Mae’n eich galluogi chi i atgyfnerthu eich rhagolygon cyflogaeth drwy eich darparu chi â dealltwriaeth o’r nodweddion entrepreneuriaeth ac arloesedd y mae galw mawr amdanynt a sut i’w harddangos.

Mae’r modiwl hwn yn cyflwyno dull systematig o astudio rheolaeth strategol, gan adeiladu ar amrywiaeth o syniadau a damcaniaethau sy’n amrywio o ddamcaniaeth sefydliadau diwydiannol i economeg sefydliadol. Byddwch yn ennill ymwybyddiaeth o faterion allweddol sy’n ymwneud â rheolaeth strategol a’r technegau y mae rheolwyr yn eu mabwysiadu. Bydd yr offer a’r technegau y byddwch yn eu dysgu yn eich helpu i ddeall sut y gall sefydliadau sicrhau mantais gystadleuol gynaliadwy.

Mae’r modiwl hwn yn rhoi dealltwriaeth i chi o’r arferion Rheoli Adnoddau Dynol allweddol y mae busnesau’n dibynnu arnynt i sicrhau bod gan eu sefydliadau weithlu sy’n perfformio’n dda ac sy’n ymgysylltu. Byddwch yn cael eich annog i gymryd rhan weithredol mewn ymchwil a gweithgareddau er mwyn cael dealltwriaeth o’r datblygiadau ehangach sy’n dylanwadu ar arferion HRM o fewn busnes a pherfformiad. Byddwch yn gweithio’n annibynnol ac ar y cyd i ddatblygu sgiliau meddwl adnoddau dynol beirniadol, ac yn dod i gasgliadau ystyrlon o drafodaethau a dadleuon.

Mae’r modiwl hwn yn adeiladu ar y sylfeini marchnata a astudir fel rhan o’r rhaglen ac yn darparu dull fesul cam o ddeall natur marchnata strategol a sut y gall y ddealltwriaeth honno gyfrannu at gyflawni mantais gystadleuol. Mae’r modiwl yn eich cyflwyno i’r agweddau ehangach ar farchnata strategol sy’n adlewyrchu datblygiadau cyfoes mewn eiriolaeth a moeseg.

Mae’r modiwl hwn yn eich darparu chi â’r wybodaeth a’r ddealltwriaeth critigol am arferion, datblygiadau a thueddiadau rhyngwladol o fewn y maes rheolaeth adnoddau dynol. Byddwch yn gweithio’n annibynnol ac ar y cyd i ddatblygu sgiliau meddwl yn feirniadol, datrys problemau a’r gallu i wneud penderfyniadau, a’r hwb masnachol i wneud casgliadau ystyrlon i faterion busnes rhyngwladol a HRM. Byddwch yn ymgysylltu â dealltwriaeth ac ymchwil gyfredol i reolaeth adnoddau dynol ryngwladol, gan gynnwys rheolaeth rhwng diwylliannau a chymharol i HRM mewn gwledydd penodol.

Mae’r modiwl hwn yn datblygu dealltwriaeth o ystyr cynaliadwyedd mewn ystyr fyd-eang, ond yn enwedig o fewn cyd-destun busnes. Byddwch yn gwerthuso ac yn asesu prif egwyddorion a damcaniaethau rheoli cynaliadwyedd byd-eang yn feirniadol ac yn cymhwyso’r damcaniaethau hyn i faterion ymarferol sy’n gysylltiedig â rheoli cynaliadwyedd byd-eang a datblygiad cynaliadwy.

Mae’r modiwl traethawd yn eich galluogi i ddangos bod gwybodaeth a sgiliau a enillwyd yn ystod y rhaglen ar-lein yn cael eu defnyddio mewn modd annibynnol, hunan-gymhellol, chwilfrydig ac i ddatrys problemau. Mae hyn yn ymestyn, yn ategu ac yn gwella dysgu drwy nodi problem busnes neu reoli sy’n cynnwys ymchwil ddamcaniaethol, casglu data strwythuredig a dadansoddiad dilynol gan arwain at gasgliadau ac argymhellion.